පොලිස් මත්ද්‍රව්‍ය නාශක කාර්යාංශය මගින් අත්අඩංගුවට ගනු ලබන මත්ද්‍රව්‍ය තොග ජාවාරම් කළේ යැයි සැකපිට රක්ෂිත බන්ධනාගාර ගත කර සිටින තමන්ව ඇප මත මුදා හරින මෙන් ඉල්ලා එම කාර්යාංශයේ සේවය කළ පොලිස් පරීක්ෂකවරයෙකු ඇතුළු පස් දෙනෙකු ඉදිරිපත් කළ පෙත්සම් වලට දැඩි විරෝධය පළ කරන බව නීතිපතිවරයා අද කොළඹ මහාධිකරණය හමුවේ ප්‍රකාශ කළා.

මහින්ද රාජපක්‍ෂ මහතාට අග්‍රාමාත්‍ය ධූරය දැරීමට නිත්‍යානුකූල අයිතියක් නොමැති බැවින්, අගමැති සහ ඔහුගේ අමාත්‍ය මණ්ඩලයේ පත්වීම් බලරහිත කිරීමේ ආඥාවක් නිකුත් කරන්නැයි ඉල්ලා ගොනුකර ඇති පෙත්සම විභාගයට නොගෙන නිෂ්ප්‍රභ කරන ලෙස අභියාචනාධිකරණයට අද ඉල්ලීමක් ඉදිරිපත් කෙරුණා.