තරගයේ කාසියේ වාසිය දිනු දකුණු අප්‍රිකාව ප්‍රථමයෙන් පන්දුවට පහරදිමේ අවස්ථාව ශ්‍රි ලංකාවට ලබාදුන් අතර ශ්‍රි ලංකාව නියමිත පන්දුවාර 20 අවසානයේ කඩුලු 07ක් දැවි ලකුණු 134ක් රැස් කළේය. ශ්‍රි ලංකා කණ්ඩායමේ කමිඳු මෙන්ඩිස් ලකුණු 41 රැස්කර ගත්තේය. අකිල ධනංජය සහ ඉසුරු උදාන එක්ව අවසන් පාන්දුවරා දෙකේදි ලකුණු 20 ආසන්න ප්‍රමාණයක් රැස් කළේය.

එ අනුව ලකුණු 134 ජයග්‍රාහි ඉලක්කයක් හඹා ගිය දකුණු අප්‍රිකාව නියමිත පාන්දුවාර 20 අවසානයේ කඩුලු 08ක් දැවි ලකුණු 134ක් රැස් කිරිම නිසා දෙපිලේම ලකුණු සමවුයේය. දෙපිලේම ලකුණු (134) සමවීම හේතුවෙන් ලසිත් මාලිංග විසින් යවන ලද සුපිරි ඕවරයේදී ඬේවිඞ් මිලර් (13) සහ රාසි වැන්ඩසන් (1) එක්ව ලකුණු 14 ක් ලබාගත්හ.

ශ්‍රී ලංකාව වෙනුවෙන් පිටියට පිවිසි තිසර පෙරේරා (02) සහ අවිශ්ක ප්‍රනාන්දුට (01) ඉම්රාන් තහීර් විසින් යවන ලද සුපිරි ඕවරයේදී ලබාගත හැකිවූයේ ලකුණු 03 ක් පමණි. අනෙක් ලකුණ වයිඞ් පන්දුවකින් ලැබිණ.

දකුණු අප්‍රිකාව මෙම ජයත් සමග 1-0 ක් ලෙසින් තරගාවලියේ පෙරමුණ ගත්තේය. දෙවන තරගය 22 වැනිදා පැවැත්වේ.