හිටපු අමාත්‍ය රිෂාද් බදියුදීන් මහතාගේ නිවසේ මෙහෙකාරියක වශයෙන් සේවය කළ ජූඩ් කුමාර් ඉශාලිනී නැමැති දැරිය පිළිස්සී මරණයට පත්වීමේ සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි ඒ මහතාගේ බිරිඳ, බිරිඳගේ පියා, ඇයගේ සොහොයුරා සහ අදාළ දැරිය ගෙනැවිත් භාරදුන් තැරැව්කරු යනාදීන් ඇප මත මුදා හැරීම කොළඹ මහේස්ත්‍රාත් අධිකරණය විසින් ප්‍රතික්ෂේප කළේය.
උද්ඝෝෂණවල දී අත්අඩංගුවට පත් පිරිස අද අධිකරණයට
නිරෝධායන නීති කඩකරමින් ඊයේ සිදු කෙරුණු උද්ඝෝෂණයට අදාළව අත්අඩංගුවට පත් පුද්ගලයන් අද අධිකරණයට ඉදිරිපත් කරන බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහන මහතා පවසනවා.
පාස්කු ඉරු දින එල්ල කෙරුණු ත්‍රස්ත ප්‍රහාර සිද්ධියට සම්බන්ධ මරාගෙන මැරෙන බෝම්බකරුවෙකුට අයත් තඹ කර්මාන්ත සමාගමක් වෙත එවක කර්මාන්ත අමාත්‍යවරයා වශයෙන් කටයුතු කළ වත්මන් පාලිමේන්තු මන්ත්‍රී රිෂාඩ් බද්යුදීන් සහ ඔහුගේ සොහොයුරු රියාජ් බදියුදීන් විශේෂ අනුග්‍රහයක් සලසා දී තිබූ ආකාරය පොලිස් පරීක්ෂණවලදී අනාවරණය වී ඇතැයි නීතිපතිවරයා ශ්‍රේෂ්ඨාධිකරණය හමුවේ ප්‍රකාශ කළේය.
හිටපු අමාත්‍ය රිෂාඩ් බදියුදීන් මහතාගේ නිවසේ මෙහෙකාර සේවයේ යොදවා තිබූ බාල වයස්කාර දැරියක් පිලිස්සී මරණයට පත්වීමේ සිද්ධිය සම්බන්ධයෙන් අත්අඩංගුවට ගත් ඒ මහතාගේ බිරිඳ, ඇයගේ පියා, ඇයගේ සොහොයුරා සහ අදාළ දැරිය එම නිවසට ගෙනැවිත් භාරදුන් තැරැව්කරු යන අය පැය 48 ක කාලයක් පොලිසිය භාරයේ රඳවාගෙන ප්‍රශ්න කිරීමට කොළඹ මහේස්ත්‍රාත් අධිකරණය අද අවසර ලබා දුන්නේය.
රිෂාඩ්ගේ බිරිඳ ඇතුළු තිදෙනෙක් අද අධිකරණයට..
මෙහෙකාර සේවයේ සිටි 16 හැවිරිදි දැරිය පිළිස්සීම් තුවාල ලබා මියයෑමේ සිද්ධිය සම්බන්ධයෙන් අත්අඩංගුවට ගත් පාර්ලිමේන්තු මන්ත්‍රී රිෂාඩ් බදියුදීන් මහතාගේ බිරිඳ ඇතුළු තිදෙනා අද අධිකරණය හමුවට ඉදිරිපත් කිරීමට නියමිතයි.
රජය විසින් පාර්ලිමේන්තුවට ඉදිරිපත් කර තිබෙන මුදල් සංශෝධන පනත් කෙටුම්පතට එරෙහිව ශ්‍රේෂ්ඨාධිකරණයට විශේෂ පෙත්සමක් ඉදිරිපත් කර තිබේ.
2016 වසරේ මස ශ්‍රී ලංකා මහ බැංකුව විසින් සිදුකළ බැඳුම්කර වෙන්දේසියේදී රුපියල් බිලියන 36.98 ක වටිනාකමකින් යුත් බැඳුම්කර සම්බන්ධයෙන් සාපරාධී විශ්වාසය කඩ කළේ යැයි චෝදනා කරමින් හිටපු මුදල් අමාත්‍ය රවි කරුණානායක ඇතුළු විත්තිකරුවන් පිරිසකට එරෙහිව ගොනු කර තිබෙන නඩුවේ විත්තිකරුවන් වන හිටපු මහ බැංකු අධිපති අර්ජුන් මහේන්ද්‍රන් සහ පර්පචුවෙල් ට්‍රෙෂරිස් සමාගමේ හිටපු අධ්‍යක්ෂවරයෙකු වන අජාන් ගාර්දිය පුංචිහේවා යන අය නොමැතිව නඩු විභාගය පවත්වා ගෙන යාමට කොළඹ ත්‍රිපුද්ගල මහාධිකරණ විනිසුරු මඩුල්ල අද අවසර ලබා දුන්නේය.
මෑතකදී හබරණ ප්‍රදේශයේ අලි ඇතුන් හත් දෙනෙකු අභිරහස් ලෙස මරණයට පත්වීමේ සිද්ධිය පිළිබඳ පරීක්ෂණ වාර්තාව ඉදිරි සති දෙක තුළ අධිකරණය හමුවේ ගොනු කරන බව, නීතිපතිවරයා අභියාචනාධිකරණය හමුවේ ප්‍රකාශ කළේය.
සෞඛ්‍ය සේවා අධ්‍යක්ෂ ජෙනරාල්වරයා නිකුත් කළ නිරෝධායන මාර්ගෝපදේශ යොදාගනිමින් උද්ඝෝෂණය මර්ධනය කිරීමට ගනු ලබන ක්‍රියාමාර්ගවලට එරෙහිව ලංකා ගුරු සංගමයෙන් ශ්‍රේෂ්ඨාධිකරණයට පෙත්සමක් යොමු කර තිබේ.
ආදිවාසී නායකයා ඉදිරිපත් කළ පෙත්සමක් සලකා බැලීමට දිනයක්
සිය පාරම්පරික නිජබිම් හෙළි කොට බඩඉරිඟු වගාව සඳහා පෞද්ගලික සමාගම් වෙත පවරාදීමට මහවැලි සංවර්ධන අධිකාරිය ගෙන ඇති තීරණය බල රහිත කරන ලෙස ඉල්ලා ආදී වාසී නායක ඌරුවරිගේ වන්නියලැ ඇත්තෝ විසින් ඉදිරිපත් කර තිබෙන රිට් පෙත්සම සලකා බැලීම සඳහා සැප්තැම්බර් මස 08 වැනිදා කැඳවන ලෙස අභියාචනාධිකරණය නියම කළේය.