අඩු වේගයට දඩුවම 10%ක දඩයක්
ඔක් 09,
2023
ශ්‍රී ලංකා ක්‍රිකට් කණ්ඩායමට තරග ගාස්තුවෙන් සියයට 10ක දඩයක් අන්තර්ජාතික ක්‍රිකට් කවුන්සිලය විසින් පනවා තිබෙනවා.
ඒ, ඊයේ (07) දකුණු අප්‍රිකානු කණ්ඩායම සමඟ පැවැති තරගයේ දී අඩු පන්දුවාර වේගයක් රඳවාගැනීම හේතුවෙන්.
ශ්‍රී ලංකා කණ්ඩායම විසින් නියමිත වේලාවට පන්දුවාර දෙකක් අඩුවෙන් යොමු කර ඇති බවයි තරග තීරකවරයා තීරණය කළේ.
ප්‍රමාද වන පන්දුවාරයකට තරග ගාස්තුවෙන් සියයට 5ක දඩ මුදලක් නියම වනවා. නායක දසුන් ශානක විසින් අදාළ ප්‍රමාදය පිළිගෙන ඇති බව ද සඳහන්.
මෙම තරගය දකුණු අප්‍රිකානු කණ්ඩායම ලකුණු 102කින් ජයගැනීමටයි සමත් වුණේ.
